Благ раст на трговската размена на земјава со странство во јануари за разлика од истиот период минатата година.  Според Заводот за статистика во првиот месец од 2010 размената пораснала за 0,6 насто. Притоа извезени се стоки за над 180 милиони, а увезени во вредност од близу 320 милиони долари. Притоа според статистиките, покриеноста на увозот со извоз е 58,4 отсто. Во извозот најголемо учество имаат челикот и железото, облеката и нафтените деривати и тоа на прво место кон земјите од ЕУ, а потоа и во соседството. Во увозот како и досега најголем дел отпаѓа на суровата нафта, струјата и автомобилите.  Дефицитот во јануари изнесувал 133 милиони долари. Најголем трговски партнер на Македонија останува Германија, а по неа се Русија, Грција, Италија и Србија.