Јапонскиот автомобилски производител Тојота ја разгледува можноста од повлекување на дел од моделите на својот хибриден, односно бензинско-електричен автомобил Тојота Приус, поради проблеми со кочниците и педалот за гас, кои деновиве прераснаа во светска афера.

Според раководителите на фирмата во Токио, се размислува за повлекување на автомобили во Јапонија и САД, каде во моментов американските власти вршат и самостојни дополнителни контроли. Од Тојота иако соопштија дека веќе го имаат лоцирано и решено проблемот, сепак досега повлекоа на поправка повеќе од осум милиони возила низ светот. И покрај сè, Тојота вчера објави добивка од повеќе од една и пол милијарда долари во последните три месеци од минатата година.

BBC