Британската авиокомпанија „Бритиш Ервејз“ соопшти дека загубите за девет месеци сметано до декември ù се зголемиле за 245 милиони фунти. Причина е слабата побарувачка на авионски карти и услуги. Од компанијата се во очекување на пресметката на загубите за целата измината година. За истиот период во 2008-мата регистрирана е загуба од 127 милиони фунти. Приходите се намалени за 13 отсто за деветте месеци до декември. И покрај ова, од „Бритиш Ервејз“ нагласуваат дека загубите им се помали од првично очекуваните.