Македонските фирми лани помалку извезувале, но и помалку увезувале во однос на 2008. Според Заводот за статистика, трговската размена се намалила за 28,6 отсто поради што се намалил и дефицитот и тоа за околу 500 милиони долари. Тој до крајот на 2009 изнесуваше 2 милијарди и  300 милиони долари, наспроти 2 – те милијарди и 800 милиони во 2008. Според статистиката најмногу сме извезле челик, облека и нафтени деривати, а вообичаено најмногу се увезло струја, автомобили и нафта. Во 2009 покриеноста на увозот со извоз била 53,4 проценти односно за 5 отсто помалку од 2008. Најмногу се тргувало со досегашните традиционални трговски партнери, Германија, Србија, Грција, Италија и Русија.