Советничка на ВМРО ДПМНЕ основач на невладината АКОРД?

Кој организира и кој стои зад дел од трибините за визуелизацијата Скопје 2014? Вчера учесниците на дебатата на која се бранеше идејата за изгледот на градот не одговорија која е невладината организација Акорд која го организираше настанот на кој немаше нивни преставник. Според податоците од Централниот регистар, пак, кои ги добивме денеска претседател на невладината организација Центар за граѓански права Акорд е Виолета Самарџиска. Интересно е што истото име стои и во листата на советници на општина Центар, но без дополнителни детали како кај другите нејзини колеги. Нема ниту фотографија, ниту податок од која партија доаѓа таа. На советничките листи, пак, објавени пред локалните избори јасно е наведено дека Самарџиска е предлог на коалицијата на ВМРО- ДПМНЕ. Но таа денеска воопшто не дозволи ниту да биде прашана која е нејзината улога во организирањето дебати за одбрана на проектот зад кој стои и општината во која е советник.

Во последниов период чести се меѓупартиските обвинувања за поврзаноста на невладините со париите. ВМРО - ДПМНЕ посочи дека зад  протестот организиран од Плоштад Слобода против планот за новиот изглед на Центарот на главниот град всушност стојат СДСМ а на протестот поддршка со своето прусутво му дадоа и неколку опозициони преставници.
Фросина Цветковска (објавено на 10.02.2010)