ALSAT-M Македонски: Бајден: Израел и Палестина да не доцнат со мировните преговори

Бајден: Израел и Палестина да не доцнат со
мировните преговори
================================================================================
Petar  on 11/03/2010 12:20:00
 
Американскиот потпретседател Џо Бајден кој
е во посета на Блискиот Исток изјави
денеска дека не смее да има задоцнување во
продолжувањето на мировните преговори меѓу
Израел и палестинските власти. Според него,
тоа треба да се случи и покрај израелските
планови за изградба на нови населби во
Источен Ерусалим. Бајден сепак, ја
критикуваше одлуката на Тел Авив токму во
овој период да донесе одлука за градење, но
нагласи и дека Соединетите Американски
Држави немаат подобар пријател од Израел.
Во меѓувреме, палестински претставници
оценија дека е многу тешко во ваква
ситуација да продолжат било какви
преговори со Израелците.