ALSAT-M: Костарика доби прва жена претседател

Костарика доби прва жена претседател
================================================================================
Alsat M on 08/02/2010 07:15:00
 
За прв пат во историјата на земјата,
Костарика ќе ја предводи жена. 50-годишната
Лаура Чинчила на вчерашните претседателски
избори освои 47 проценти од гласовите
наспроти 25-те проценти на главниот
противкандидат од опозицијата, Отон Солис.
Поранешната потпретседателка на земјата
вети дека ќе ја продолжи политиката на
претходникот за слободен пазар и борба
против криминалот, насилството и шверцот на
дрога. Костарика инаку важи за една од
најстабилните држави во Латинска Америка.
Во 1949-та година земјата ја укина армијата, а
во последните години акцентот е ставен на
туризмот и напредна еколошка политика.
AFP