Шефот на српската дипломатија, Вук Јеремиќ, изјави дека во Меѓународниот суд на правдата се одвива „вториот чин“ од војната, овој пат за прогласувањето на независноста на Косово да се одложи.

Според него, откако Србија го загубила првиот чин кој траеше од 1999 година до прогласувањето на независноста, таа сега забележува победи во вториот чин, спречувајќи нови признавања.

Започнува третиот чин во кој треба да триумфираме и победата да се претвори во нов чин во кој ќе се случи компромисно решение за статусот на Косово, рече Јеремиќ во интервју на Српската телевизија.

Убеден е дека одлуката на Меѓународниот суд на правдата ќе биде во корист на Србија. Јеремиќ тврди дека се зголемува притисокот за признавањето на Косово во светот. Но, рече дека делегацијата на Србија неодамна разговарала со 24 државни делегации, од кои 16 рекле дека врз нив се врши голем притисок од страна на влијателни светски држави.