Грчките фармери почнаа да ги повлекуваат блокадите од автопатите во Грција, кои го зголемија притисокот врз социјалистичката влада во земјата во периодот на финансиска криза, предизвикана од нараснатите долгови, пренесоа американските медиуми.

Фармерите кампањата на блокади ја почнаа кон средината на јануари со барање за повисоки субвенции и нивно побрзо исплаќање.

Тие, денеска, почнаа да ги креваат блокадите, и покрај цврстото одбивање на владата да ги зголеми плаќањата за да ја заштити цената на производството.

Фармерите кои протестираат на грчко-бугарската граница, меѓутоа, одбија да се усогласат со одлуката на своите колеги и соопштија дека ќе ја продолжат својата блокада со трактори, се додека нивните барања не бидат исполнети.

миа