Најдобрите македонски кошаркари не дозволија никакво изненадување и победија во вториот дуел против репрезентативците на Катар, во рамките на двомечот што се играше во спортската сала „Билјанини извори“ во Охрид.
Македонската кошаркарска репрезентација славеше со убедливи 79-61 во вториот контролен натпревар. Избраниците на Маријан Докузовски во целиот тек на натпреварот имаа контрола врз играта и резултатот. Најпрецизни на вчерашниот натпревар во нашите редови беа Гечевски со 18 и Антиќ со 14 поени.
Натпреварите против Катар беа последната подготовка на македонската репрезентација за квалификациите за ЕП што започнуваат на 2 август со гостувањето во Украина.
Инаку, двомечот против Катар беше изнудена замена за најавениот „Трофеј Македонија 2010“, на кој беше предвидено учество уште и на селекциите на Брегот на Слоновата Коска и на Црна Гора, кои во последен миг го откажаа доаѓањето во Охрид.




МИА