Најгледаната телевизија во Австралија „Фокстел“, при еден нивен пренос Горан Пандев го претстави како да доаѓа од Бугарија. Како што се гледа на сликата каде е претставена формацијата на Интер, по презимето на Пандев стои податокот Бугарија, пренесува радио „ZZZ” од Мелбурн. До денеска нема официјална реакција од македонските организации во Австралија, односно не е ниту побарано од спортскиот уредник на телевизијата јавно да се извини, бидејќи со овој пропуст се навредени етничките Македонци во Австралија. Досега има само индивидуални реакции. Од радиото „ZZZ” , велат дека грешката не е случајна или некој пропуст. Според нив, ова е јасен преседан кој намерно е направен од страна на спортскиот уредник на австралиската телевизија „Фокстел“ која континуирано продолжува да ги прекршува мултикултурните принципи.