Француската полиција денеска ги повика на информативен разговор фудбалерите Франк Рибери и Карим Бензема во рамките на истрагата поврзана со група за која постојат сомневања дека се занимавала со малолетна порнографија. Двајцата мораа да се појават в полиција по барање на истражен судија, поради тоа што еден ноќен клуб во Париз на своите клиенти им нудел малолетни девојки. Една од нив, за која постојат сомневања дека во клубот имала контакти со клиенти, претходно оваа година сведочеше пред полицијата дека во 2008-мата, кога била малолетна, имала сексуални односи со двајцата фудбалери. Ако се потврди дека Рибери и Бензема платиле за да спијат со малолетничка, може да добијат три години затвор и парична казна од по 45 илјади евра.