Властите на Иран ветуваат дека ќе ја запрат својата атомска програма за збогатување на ураниумот, ако светските сили го прифатат договорот кој Техеран во мај го потпиша со Турција и Бразил. Според дел од денешните турски медиуми, ова било заклучок по средбата на министрите за надворешни работи на Турција, Иран и Бразил која се одржала во неделата во Истанбул. Договорот кој трите држави го потпишаа предвидува Иран да изнесе во Турција ниско збогатен ураниум, а потоа од Русија и Франција да внесе атомско гориво за својот реактор во Техеран. Така би се смириле стравувањата на западите држави кои обвинуваат дека Иран произведува атомска бомба, наспроти тврдењата на тамошните власти дека ураниумот им е за енергетски потреби.