Во експлозијата што вчера претпладне се случи во електраната на гас  во градот Мидлтон, во американската сојузна држава Конектикат најверојатно загинаа неколку десетици, а повеќе од 100 се повредени, соопштија извори од тамошните болници.
Медицинскиот персонал наведува дека ова можеби и не е конечниот број на загинати.
-Тела има насекаде, изјави еден очевидец и додаде дека е можно многу од жртвите да се наоѓаат под урнатините.
Досега е потврдена смртта на само пет лица, иако сите наведуваат дека ќе има повеќе десетици загинати во експлозијата на електраната, предизвикана од истекување на гасот.
Се стравува дека под урнатините во електраната се останати 51 лице.
Се претпоставува дека во моментот на експлозијата во фабриката имало над 100 вработени.
По експлозијата во централата за природен гас „Клин енерџи систем“ избил голем пожар, а црниот час се гледал на околу од километри.
По преживеаните трагаа околу сто екипи, вклучувајќи пожарникари, полиција и служби за итни случаи, јави Си-Ен-Ен.
Според локалните телевизии, оштетени се и куќите во околината на електраната, а експлозијата се почувствувала во местата во радиус од дури 25 километри.
Генералниот директор на електраната Гордон Холк потврди дека во експлозијата во електраната со моќност од 620 мегавати има настрадани, но оти не се знае точно колкав е нивниот број, додека претставници на полицијата и пожарникарските служби соопштија дека станува збор за голем број жртви


МИА