Компанијата во чија сопственост е највисоката зграда на светот, Бурџ Калифа, соопшти денеска дека делот за посетители ќе биде затворен на неопределено време. Од „Емпајер пропертис“ соопштија дека причина била преголемата посетеност, но и проблеми со електриката, поради кои актуелно се вршеле поправки во затворените катови. Илјадници туристи од отворањето на Бурџ Калифа во јануари годинава, ја искористија можноста за влезница од 30-тина долари од платото на 124-тиот кат да уживаат во погледот на Дубаи од висина од 800 метри. Изградбата на импозантниот објект чинеше една ипол милијарди долари.