Првиот македонски амбасадор на  Косово, Стојан Карајанов, денеска во Приштина на претседателот Фатмир Сејдиу му ги предаде акредитивните писма. Карајанов рече дека ќе се посвети на подигнување на односите меѓу двете земји на највисоко ниво во сите сфери на соработката. Претседателот Сејдиу пак, изјави дека и Косово ќе биде претставено со амбасадор во Македонија. Дипломатските односи меѓу двете држави беа воспоставени на 17 октомври минатата година.

„Дозволете ми да Ви ги предадам акредитивните писма кои господинот Иванов, претседател на Македонија, ми ги испрати, кај Вашата екселенција, како вонреден и ополномоштен амбасадор на Република Македонија во Косово. Би сакал да додадам дека мојот ангажман како прв амбасадор на Македонија во Косово ќе се фокусира врз спроведување на пријателските веќе традиционални односи и соработката.“