Развој на мултикултурализмот, заедништво низ образовниот систем и локалнитѕе заедници понудија денеска  неколку агенции на ООН со проект поддржан и од шпанската влада. Ќе се реализира преку секретаријатот за спроведување на Охридскиот договор
Валмир 1    24 02 10 
Добри меѓуетнички  односи зајакнувањето на националните и локалните капацитети како и јакнењето на кохезијата меѓу заедниците во Македонија се целите на проектот со наслов „Подобрувањето на меѓуетничкиот дијалог и соработката помеѓу етничките заедници“.
„Македонија е  земја која на директен начин може да примени проекти од овој вид. Ние  сме земја каде се преплетуваат цивилизациите. Географската положба на Македонија претставува пат кој е поврзувачки мост помеѓу Истокот и Западот. Но, не само тоа, во земјава традиционално истовремено живееле и се развивале многу култури, а тоа се случува и денес“. - Абдулаќим  Адеми  – вицепремиер
Постојаната координаторка  на ООН во Скопје, Диадра Бојд рече дека изградбата на меѓуетничките односи е од посебна важност за секоја земја на светот. Исто мислење имаше и претставничката на шпанската амбасада, Марија  де Лара.
„ - Сo надградување врз она што земјата го има постигнато во тој правец, програмата ќе ја поддржи долгорочната улога на образованието, ќе работи со структурите на локалната власт, граѓанското општество и медиумите во остварување конструктивен дијалог и соработка “. - Диадра Бојд – постојана  координаторка на ООН
„ Шпанија има јасна заложба во негувањето на меѓукултурните односи, со цел, да развива и поддржува проекти кои промовираат разбирање меѓу културите “Марија Анхелес Гарсија  де Лара – претставничка  на шпанската амбасада во земјава 
Програмата „Подобрувањето на меѓуетничкиот дијалог и соработката  помеѓу етничките заедници“ е финансира  од Владата на Шпанија,а ќе ја реализира  Секретаријатот за имплементирање на Охридскиот Договор и три агенции на Обединетите Нации, УНДП, УНИЦЕФ и УНЕСКО. Програмата е фокусирана на развојот на образованието и на создавање на добра меѓуетничка соработка во македонското мултиетничко општества.
Валмир Кучи