Американската пејачка Бијонсе е големиот победник на годинешните награди за достигнувањата во музиката, Греми. На шоуто во калифорнискиот град Лос Анџелес, од 10-те номинации Бијонсе освои 6 награди, меѓу кои и за песна на годината со „Сингл Лејдис“.

20-годишната кантри-пејачка Тејлор Свифт пак ја доби наградата за албум на годината, а освои Греми во три други категории. Американскиот рапер Џеј Зи, британската група Блек Ајд Пис и групата Кингс оф Леон добија по три Греми награди, а по две им припаднаа на контроверзната пејачка Лејди ГаГа и раперот Еминем.

Инаку, со освоените шест награди Бијонсе се запиша во историјата и како прв женски изведувач кој освоил толку награди на едно издание од престижната манифестација.