Вселенскиот брод “Ендевор“ во петокот се одвои од меѓународната вселенска станица ИСС и тргна назад кон Земјата, откако успешно ја заврши својата мисија, пренесува CNN.

Задачата на екипажот од овој американски вселенски брод беше на вселенската станица да ја монтира куполата наречена “чвор на спокојот“, која има седум стаклени површини низ кои членовите на меѓународната станица ќе можат да ја набљудуваат вселената.

Командантот на станицата Џефри Вилијамс му честиташе на екипажот и го испрати “Ендевор“ на пат за дома, изразувајќи го своето жалење што храбрите момчиња нема да можат да уживаат во прекрасниот поглед кој го овозможува оваа купола.

Во следните седум месеци меѓународната вселенска станица ќе ја посетат уште четири вселенски летала кои ќе го снабдат персоналот во станицата со потребната опрема.

www.index.hr