Руското вселенско летало “Прогрес-38“, без човечки екипаж, кое не успеа да се прикачи на меѓународната вселенска станица, се наоѓа под контрола и би требало да го повтори обидот за спојување со станицата, објавија официјални лица од руската вселенска агенција и американската NASA.

Контролата сè уште се обидува да ја лоцира грешката која оневозможи поврзување на „Прогрес-38“, кој носи храна и опрема, за вселенската станица.

Шесттемина космонаути, тројца Руси и тројца Американци, од меѓународната вселенска станица, не биле во опасност во текот на инцидентот, информираат од NASA.

Следниот обид за спојување на ова летало со базата е предвидено за в недела во 12:17 часот.

Подготвил: П.Б.
Извор: www.dnevnik.hr