Двајца македонски државјани загинаа, а еден е повреден во  тешката сообраќајна несреќа што се случила синоќа во Грделичката Клисура на југот од Србија.
Спорд првичните информации на македонското МНР добиени од српските власти, загинале Исни Беќири (1981) и Абдула Беќири (1978), а повреден е Лирим Беќири (1975).
Портпаролот на Полициската управа од Врање, Драган Стаменковиќ, информира дека во несреќата на автопатот Врање-Лесковац, учествувале два автомобила со странски регистарски таблички и еден српски камион.
Во сообраќајката се повредени уште четири лица. Претставник на болницата во Врање изјави дека во нивниот ургентен центра биле примени тројца Полјаци, брачна двојка и нивното дете, и еден Хрват.


МИА/РТС