Партијата за демократски просперитет бара од Владата и од Европската Унија да пренасочат дел од парите од европската помош за развој на липковскиот регион за, според партијата, да се спречи економскиот егзодус на населението од овој крај. Генералниот секретар на ПДП Илир Љума обвини и дека Владата ги злоупотребува парите од ЕУ форисирајќи нерамноправен регионален развој и дека регионитe на Куманово и Липково се речиси исклучени од европската помош

"Во овој случај, му се обраќаме и на господин Фуере, да го потсетиме дека уште пред една година ПДП ја информираше неговата канцеларија во Скопје и Брисел, за злоупотреба на парите од фондовите на ЕУ, наменети за рамномерен регионален развој. Со многу доцнење Фуере се сети да му сугерира на Груевски за инвестициите кои Владата треба да ги направи во регионот на Куманово и Липково, региони со екстремна економска депресија", истакна Љума.