Скопското муфтиство од Владата бара да му се врати во владеење објектот Сули Ан во Старата скопска чаршија. Според Муфтиството, тој требало да ù се врати на ИВЗ со процесот на денационализација, а не во него да се дозволи вселување на Факултетот за уметности. Меџит Османи, студент на Факултетот за исламски науки во Македонија, на денешната прес-конференција во Скопје рече дека не е праведно други студенти да учат таму, додека, како што рече, вистинските сопственици да талкаат барајќи простор за студирање.

„Јавно бараме овој објект кој е духовно поврзан со нас, да стане место каде ќе студираме, според исламската традиција и култура. Јавно бараме овој објект да се врати во наша сопственост и да ù ставаме крај на нашата голгота. Секој ден за да студираме одиме десетици километри надвор од Скопје. Кога другите можат, можеме и ние. Овој наш протест нека се сфати како нова епоха за начинот на нашите барања за враќање на национализираните имоти и еднаш засекогаш да ù се каже СТОП на верската дискриминација, почнувајќи од скопскиот плоштад, па сè до Битола, Лажец, Прилеп, Куманово, Струмица и најновата во Радовиш“, вели Меџит Османи – студент на Факултетот за исламски науки.