НСДП ќе покрене иницијатива за собраниска седница на која ќе се дебатира за проектот „Скопје 2014“, а ќе поддржи и дебати меѓу архитектите и уметниците со цел сите да се изјаснат, за потоа да се утврди заеднички што е потребно.
Според него, ако државата располага со можност да стави во функција на градот 200 милиони евра, треба да ги праша граѓаните на Скопје како сакаат да ги потрошат тие милиони и да утврдат кој е за нив приоритетот.
Референдумот, што го предлага СДСМ, за нив е последната форма за изјаснување на граѓаните доколку постојат крајно спротивставени ставови, но тоа може да се направи и преку собири и трибини. За нив приоритети на Скопје се сообраќајната мрежа и енерганата која ќе го реши проблемот со сметот, рече Тито Петковски.

МИА