Во Министерството за транспорт и врски велат дека акциите на Инспекторатот за транспорт се редовни и имаат за цел воспоставување на ред во

Од денеска Министерството за транспорт и врски, почна со интензивни проверки на такси – комбињата кои илегално превезуваат патници. Револтирани, возачите на такси – комбињата, рекоа дека Владата наместо да му помогне на својот народ, се обидува по секоја цена да го осиромаши уште повеќе и тоа со високи парични казни. Инаку, со измените во Законот за превоз на патници, Владата усвои одлука со која Инспекторатот за транспорт ќе има право привремено да ги одзема сите овие возила кои пренесуваат патници без лиценца.

„Нормално, секој има страв, но стравот веќе пукна, нема од што да се плашиме. Што се однесува до документацијата не се виновни таксистите, туку општините меѓу кои Куманово и Липково и  Министерство за транспорт. Што се однесува до работата, оваа држава не е заинтересирана воопшто за албанското население. Актуелната ситуација ја прави невработеноста" вели еден возач.

Во Министерството за транспорт и врски  велат дека акциите на Инспекторатот за транспорт се редовни и имаат за цел воспоставување на ред во превозот во Македонија.

Статистиката покажуваат дека во првите пет месеци од годинава во Македонија такси-комбиња без дозвола возат околу 3.500 лица. Инаку, работни дозволи, секоја година, во електронска форма, ги дава Министерството за транспорт и врски.
Невзат Мамути