Фактот дека изградбата на Бурмали џамија не е предвидена во  проектот „Скопје 2014“, според претседателот на иницијативниот одбор за изградба на џамијата Бурмали, Рамадан Рамадани, покажува дека премиерот Никола Груевски испратил сигнал дека муслиманите во Македонија не се посакувани. Тој додаде денеска и дека ова тело испратило писмо до албанскиот премиер Сали Бериша, а истото ќе го стори и до Владата на Турција.

„Муслиманите ја добија пораката дека премиерот не мисли за нив. Ние како поздрав за ова порака, почнувајќи од минатата недела почнавме интензивни средби со меѓународната заедница. Денеска, понеделник, ќе испратиме писмо до премиерот Сали Бериша за да го алармираме за оваа ситуација и културен геноцид против Албанците и другите муслимани во Македонија. Ние исто така ќе ги известиме и турските власти“-- Рамадан Рамадани,претседател на И.О. за градење на Бурмали џамија 
 
Граѓанско движење „Разбуди се“ како одговор на ставот на министерката за култура Елизабета Канчева-Милевска дека проектот „Скопје 2014“ не е затворен и оти може да претрпи промени, до Министерството за култура ќе упати барање за вклучување на албански херои и споменици во овој проект за така да се рефлектирал мултиетничкиот и мултирелигиозниот дух на плоштадот.
 
"Граѓанското движење ’Разбуди се’ поддржано од најмалку 20 албански невладини организации собрани во форумот ’Разбуди се’ бараат од министерот за култура и од македонската влада да се обнови родната куќа на Мајка Тереза на местото каде се наоѓа спомен-плочата, потоа бараме да се изгради Бурмали џамијата на местото каде постоеше пред уривањето и на градскиот плоштад да се изгради биста или споменик за нашиот национален херој Адем Јашари.“- рече  - Беким Хоџа, претставник на граѓанското движење "Разбуди се"

Барањето за изградба на овие споменици и бисти за албанските херои, граѓанското движење "Разбуди се" се очекува да ги достави до Министерството за култура и до Владата на крајот на оваа недела.

Шкелзен Аќифи