55 të vdekur nga kolera në Nigeri
Në shtetin Adamawa të Nigerisë, 55 persona kanë vdekur si pasojë e kolerës. Isa Abdullahi, komisioneri shtetëror i shëndetësisë në Adamawa tha se epidemia e kolerës është përhapur në pjesë të ndryshme të vendit në muajt e fundit.
Abdullahi theksoi se gati 2.000 njerëz në provincë u prekën nga kolera ndërsa 55 humbën jetën. Siç tha ai, qeveria po bën dërgesa urgjente me ilaçe dhe furnizime mjekësore në rajonet e prekura nga epidemia.
Ai u bëri thirrje banorëve të rajonit që të kenë kujdes. Kolera është një sëmundje ngjitëse e zorrëve të holla e shkaktuar nga bakteri vibrio cholerae. Sëmundja përhapet duke konsumuar ujë të kontaminuar, gaforre deti, butakë, peshq dhe ushqime të tjera të kontaminuara me sekrecionet e njerëzve të infektuar.
Për të kontrolluar kolerën, është e rëndësishme të pastrohen objektet e furnizimit me ujë dhe të asgjësohen siç duhet mbetjet njerëzore. Masa të tjera paraprake përfshijnë përdorimin e ujit të zier dhe shmangien e perimeve të paziera ose peshkut ose butakëve të papjekur.
Me mungesën e ujit të pastër në Nigeri, ndërhyrja joefektive mjekësore rrit rrezikun e sëmundjeve dhe vdekjes.
Sëmundjet epidemike si viruset e malaries, poliomielitit, tifos dhe lisë së majmunit janë të zakonshme në vend.
