A duhet lexuar në dhomën e gjumit natën? Ekspertët thonë se nuk është ide e mirë ta bëni këtë!?

Besohet se duke kufizuar numrin e aktiviteteve që bëni në shtrat, do t’ia lehtësoni vetes dremitjen kur është koha për të. Bëhet fjalë për stërvitjen e trupit dhe mendjes për të lidhur shtratin me gjumin.

– Nuk dëshironi të kaloni shumë kohë zgjuar në shtrat sepse kjo do të çojë në kushte negative. “Truri juaj nuk do ta dijë nëse duhet të jeni zgjuar atje apo të flini atje”, shpjegon Dr. Daniel Rifkin.

Eksperti i ritmit cirkadian Dr. David Kennaway pajtohet se shumica e aktiviteteve duhet të bëhen jashtë shtratit, duke përfshirë leximin. Kjo nuk do të thotë se leximi nuk mund të jetë një mënyrë e shkëlqyer për t’u çlodhur dhe për t’u përgatitur për gjumë. Librat, veçanërisht ata fizikë që nuk janë shumë stimulues ose shqetësues mendërisht, mund të na ndihmojnë dhe të na shpërqendrojnë nga stresorët e përditshëm.

Por në mënyrë ideale, thotë Rifkin, duhet t’i lexoni ato jashtë dhomës së gjumit.

– Mundohuni të gjeni një vend tjetër të rehatshëm për të lexuar. “Kur ndiheni të lodhur dhe sytë mbyllen, atëherë shkoni në dhomën e gjumit në mënyrë që truri juaj ta lidh atë vend në mënyrë të pandërgjegjshme me gjumin”, këshillon ai.