Aksident trafiku në Manastir, humb jetën një person

Ministria për Punë të Brendshme (MPB) njofton se dje (31.10.2024) në ora 12:39 në SPB Manastir është raportuar se në rrugën “8 Shtator” ka ndodhur një aksident trafiku.

“Aksidenti ka ndodhur në mes të automjetit motorik “Skoda” me targa të Manastirit i drejtuar nga K.P (71) nga Manastiri dhe automjetit të pasagjerëve “Ford” me targa të Manastirit i drejtuar nga LJ.P (60) nga Manastiri.Shoferi K.P. ka ndërruar jetë, ndërsa vdekjen e ka konstatuar mjeku nga Spitali klinik Manastir. Kontroll në vendin e ngjarjes ka kryer ekipi inspektues i SPB Manastir në prani të prokurorit publik”, thuhet në njoftimin e SPB-Manastir.