Barcelona mban “peng” ende Karles Alenjan

Karles Alena mund të largohet nga Barcelona në afatin kalimtar të janarit dhe sipas mediave spanjolle mund të vesh fanellën e Getafes, në formë huazimi deri në fund të sezonit.

Sipas ‘Marca’, thuhet  se transferimi i Alenës nga skuadra blaugrana do të ishte shumë afër të ndodhte me insistimin e trajnerit të Getafes, Hose Bordalas për të përfshirë mesfushorin nga 4 janari në skuadër.

Mirëpo nga Barcelona nuk po nguten të lirojnë mesfushorin pas lëndimit të Filipe Kutinjos. Në ditët në vijim pritet të zgjidhet kjo çështje për Alenën, që edhe vitin e kaluar ai ishte i huazuar te Betisi.