Barcelona, sot pritet të zyrtarizojë përforcimin e gjashtë të kësaj vere

Zhill Kounde është shumë afër kalimit në “Camp Nou”, si një përforcim shumë i rëndësishëm për skuadrën e Çavi Hernandezit.

E ardhmja e lojtarit të Seviljas do të zgjidhet në orët e ardhshme. Në fakt katalanasit shpresojnë të jenë në gjendje të mbyllin transferimin e tij brenda kësaj të marte.

Qendërmbrojtësi francez ka qëndruar i vendosur në fjalën e tij se dëshiron vetëm të luajë në “Camp Nou”, kështu që Kounde mund të bëhet përforcimi i gjashtë i skuadrës 2022-23, pas shtimeve të Kesi, Kristensen, Rafinja, Dembele dhe Levandovskit.