​Blinken merr pjesë në takimin e ministrave të Jashtëm të NATO-s në Berlin

Sekretari amerikan i Shtetit Antony Blinken do të udhëtojë në Berlin të shtunën për një takim të ministrave të Jashtëm të NATO-s ku do të diskutohet lufta në Ukrainë.

Perspektiva e Finlandës dhe Suedisë për t’iu bashkuar aleancës ushtarake perëndimore pritet gjithashtu të diskutohet gjatë takimit.

Tema të tjera përfshijnë përgatitjet për samitin e NATO-s në Madrid në fund të qershorit dhe punën për një koncept të ri strategjik për aleancën e themeluar në 1949.

Blinken ka planifikuar gjithashtu të udhëtojë në Francë të dielën me përfaqësuesen e Tregtisë së SHBA-së, Katherine Tai dhe sekretaren e Tregtisë, Gina Raimondo.