Bullgaria mund të mbyll pothuajse gjithçka nga 27 nëntori

Bullgaria synon të mbyllë shkolla, restorante dhe dyqane dhe të ndalojë të gjitha ngjarjet sportive, ahengjet private dhe ekskursionet për ta parandaluar përhapjen e virusit. Këtë e deklaroi sot Ministri i Shëndetësisë së Bullgarisë, Kostadin Angellov.

Këto masa do të diskutohen në seancën qeveritare të mërkurën, në mënyrë që të parandalohet kolapsi i plotë i sistemit të kujdesit shëndetësor. Që nga fillimi i pandemisë në vend janë regjistruar 121,820 raste me Covid-19, nga gjithsej shtatë milion banorë që numëron vendi.

Pavarësisht se sa të përgatitur të jemi, nuk ka asnjë sistem shëndetësor që mund të përballojë një presion të këtillë. Nuk mund të lejojmë të na vdesin të rinjtë, të moshuarit, mësuesit, mjekët” tha Angellov.

Në 14 ditët e fundit, si pasojë e Covid-19 jetë kanë ndërruar 2,880 persona. Sipas planit, nga 27 nëntor, shkollat ​​dhe universitetet do të zhvillojnë aktivitetet online.