Covid-19, Johnson & Johnson pezullon punën për vaksinën, efekte anësore të pashpjegueshme
Kompania Johnson & Johnson njoftoi se ka ndërprerë testimet klinike pasi një pascient ka shfaqur efekte anësore të pashpjegueshme. Në njoftimin e dhënë nga kompania thuhet se vullnetari do të jetë nën monitorimin e kompanisë. “Ndalesa të tilla janë normale në një numër kaq të madh testimesh”- njofton kompania.
Kujtojmë që rreth një muaj më parë kompania AstraZeneca Plc ndaloi punën për zhvillimin e vaksinës, për të njëjtin motiv. Aktualisht kompania AstraZeneca Plc vazhdon punën.
Johnson & Johnson dhe AstraZeneca Plc janë një hap përpara kompanive të tjera për krijimin e vaksinës së Covid-19. Shumë qeveri kanë nënshkuar marrëveshje me dy kompanitë në fjalë për të siguruar vaksinën.
