Del në ankand superjahti i parë i konfiskuar nga oligarku rus, “miku më i afërt” i Putinit

Një superjaht 65 milionë paund i një oligarku rus të goditur nga sanksionet do të dalë në ankand nga qeveria e Gjibraltarit të martën, duke u bërë e para nga anijet luksoze që do të shiten.

Ndaj qindra rusëve të pasur u vendosën kufizime pas pushtimit rus  të Ukrainës nga Vladimir Putin.

Megjithatë, Axioma 72.5 metra, nuk po shitet për të mirën e popullit ukrainas, por për një banë investimi amerikane, JP morgan, e cila pretendon se pronari miliarder i jahtit, Dmitry Pumpyansky, i detyrohet më shumë se 20 milionë dollarë (17 milionë £).

Anija, e cila ka gjashtë kabina luksoze për mysafirë, një pishinë, një dhomë kinemaje 3D, palestër, xhakuzi dhe një banjë u ndalua pasi u ankorua në Gjibraltar në mars.

Pumpyansky, pronari dhe kryetari i prodhuesit të tubave të çelikut OAO TMK, një furnizues i kompanisë ruse të energjisë në pronësi të Gazprom, iu nënshtuar sanksioneve nga Mbretëria e Bashkuar, BE dhe SHBA pas pushtimit të Ukrainës.