Deri në 90% e Severodonetskit është dëmtuar nga granatimet

Forcat ruse kanë pushtuar dy të tretat e perimetrit të qytetit të Severodonetsk, njoftoi guvernatori i rajonit të Luhansk.

Por Serhiy Haidai thotë se qyteti nuk është i rrethuar plotësisht, duke mohuar raportet e zyrtarëve nga Republika Popullore e Luhanskut e vetëshpallur pro-Moskës se forcat ukrainase janë prerë atje.

Severodonetsk është qendra më e madhe e popullsisë në lindje në Donbas që ende kontrollohet nga Ukraina, përcjell rtv21.tv

Siç raporton BBC, 60% e banesave të qytetit janë shkatërruar plotësisht dhe deri në 90% të ndërtesave janë dëmtuar.

Të paktën 1 mijë e 500 njerëz kanë vdekur atje që nga fillimi i pushtimit në muajin shkurt.