Dramë pranë Tunizisë: Përmbytet një anije mallrash me 750 tonë karburant

Një anije mallrash që lundronte drejt Maltës nga Egjipti dhe bartte 750 tonë naftë u përmbyt pranë Tunizisë.

“Anija u mbyt mëngjesin e sotëm në ujërat territoriale të Tunizisë dhe deri më tani nuk ka rrjedhje karburanti. Komisioni kompetent për parandalimin e fatkeqësive do të vendos rreth masave të ardhshme”, tha zëdhënësi i drejtësisë tuniziane, Mohamed Karaj.

Shtatë anëtarë të ekuipazhit u evakuuan nga anija. Ata janë katër marinarë nga Turqia, dy nga Azerbajxhani dhe një nga Gjeorgjia, raporton theguardian.

Ministria e Mbrojtjes së Mjedisit të Tunizisë njoftoi se ekuipazhi i kamionit “Xelo” ka kërkuar leje për të hyrë në ujërat territoriale tuniziane për shkak të kushteve të këqija atmosferike.

Ministria paralajmëroi se ekziston rreziku i rrjedhjes së karburantit në det dhe shtoi se ministritë dhe shërbimet e linjës po punojnë për të parandaluar një fatkeqësi të mundshme mjedisore në zonë.