Dukovska: Çmimi përfundimtarë i energjisë elektrike për ekonominë është më i lartë se ai që ofrohet në bursa

Ekonomia gjithmonë paguan më shumë se çmimi i ofruar i rrymës në bursa sepse ka edhe tarifa shtesë, tha drejtoresha e përgjithshme e Makstil, Marija Dukovska Pavlovska, në  emisionin “Magazina Ekonomike” në Alsat.

“Çdo orë në bursë ka çmim të veçantë. Çmimi që paguam në shtator ishte 650 euro për megavat/orë. 200 euro mund të jenë në një orë të caktuar dhe për një sasi të caktuar të vogël. Por të mos harrojmë, mbi çmimin e energjisë elektrike vjen çmimi për shpërndarje dhe transmetim këtë vit, i cili është 11 euro. Edhe nëse del në bursë me 200 euro, nuk është çmim që e paguan ekonomia”, thotë Dukovska.