E keni menduar ndonjëherë, pse ndiheni të lodhur pas ngrënies?

Shumë njerëz ndjehen të përgjumur pasi të hanë. Ky mund të jetë një rezultat i natyrshëm i modeleve të tretjes dhe cikleve të gjumit. Disa lloje të ushqimeve dhe koha e ngrënies gjithashtu mund t’i bëjnë njerëzit të ndjehen veçanërisht të lodhur pas një vakti. Një ulje e niveleve të energjisë pas ngrënies quhet përgjumje pas ngrënies.

Studiuesit kanë teori të ndryshme në lidhje me shkakun e lodhjes pas ngrënies, por ata përgjithësisht pajtohen se është një përgjigje e natyrshme dhe jo zakonisht një shkak për shqetësim.

Pse njerëzit ndihen të lodhur pasi të hanë?
Ndjenja e lodhjes, ose vështirësia në përqendrim, pas një vakti është relativisht e zakonshme. Një person mund të ndihet veçanërisht i lodhur, në varësi të asaj që, kur dhe sa ka ngrënë.

Më poshtë, di ju tegrojmë disa arsye pse një person mund të ndjehet i lodhur pas një vakt dhe si ta parandalojmë atë.

Lloji i ushqimit që hani

Ushqimet e pasura me proteina dhe karbohidrate mund t’i bëjnë njerëzit të ndjehen më të fjetur sesa ushqimet e tjera. Disa studiues besojnë se një person ndihet i lodhur pasi të hajë, sepse trupi i tij prodhon më shumë serotonin. Serotonina është një kimikat që luan një rol në rregullimin e humorit dhe ciklet e gjumit.

Një aminoacid i quajtur triptofan, i cili ndodh në shumë ushqime të pasura me proteina, ndihmon trupin të prodhojë serotonin. Karbohidratet ndihmojnë trupin të thithë triptofanin. Për këto arsye, ngrënia e një vakti të pasur me proteina dhe karbohidrate mund ta bëjë personin të ndjehet i përgjumur.

Triptofani ndodh në ushqime që janë të pasura me proteina. Kjo perfshin:

salmon
pulë
vezët
spinaqi
farat
qumështi
produkte soje
djathrat

Ushqimet që përmbajnë nivele të larta të karbohidrateve përfshijnë:

makaronat
orizi
bukë të bardhë
ëmbëlsira, biskota, dhe kifle
kallinj misri
qumështi
sheqer dhe sheqerka
Njerëzit shpesh hanë një kombinim të proteinave dhe karbohidrateve para gjumit, të tilla si drithërat me qumësht.

Sa ushqim hani?
Një person mund të ketë më shumë gjasa të përjetojë përgjumje pas ngrënies pas një vakti të madh. Njerëzit që hanë më shum, mund të përjetojnë më shumë një rënie pasdite sesa ata që hanë më pak në mesditë. Ushqimi bën që sheqeri në gjak të rritet dhe mund të pasojë me rënie të energjisë.

Faktorë të tjerë mund të kontribuojnë në lodhjen pas ngrënies:

Gjumi i dobët gjatë natës, i cili mund të çojë në lodhje gjatë gjithë ditës
pirja e alkoolit me një vakt, sidomos gjatë ditës…