Forcat ruse, një serë sulmesh në Ukrainë

Ukraina nuk ka gjetur qetësi as për Krishtlindje, pasi forcat ruse nisën më shumë se 40 sulme me raketa në ditën e Krishtlindjeve. Tre ushtarë rusë u vranë këtë mëngjes nga mbetjet një droni ukrainas që u rrëzua gjatë një sulmi në bazën ushtarake Engels në rajonin e Saratov të Rusisë, sipas agjencisë rusë të lajmeve. Ky ishte sulmi i dytë në këtë bazë gjatë këtij muaji. Baza e Engels, e cila ndodhet afër qytetit të Saratovit, rreth 730 kilometra në juglindje të Moskës dhe qindra kilometra larg vijës së frontit në Ukrainë, u godit më 5 dhjetor dhe Rusia tha se dronët ukrainas kishin sulmuar dy baza ajrore ruse. Një ditë më parë Putin përsëri tha se ishte i hapur për negociata dhe akuzoi Ukrainën dhe aleatët e saj perëndimorë se kishin refuzuar të mbanin bisedime, një qëndrim që Shtetet e Bashkuara e kishin hedhur poshtë më parë duke pasur parasysh sulmet e pandërprera ruse. Këshilltari i presidentit ukrainas Zelensky tha se Putini duhet të kthehet në realitet dhe të pranojë se është Rusia ajo që nuk dëshiron bisedime.