Futsal Shkupi prezanton përforcimin për Ligën e Kampionëve
Futsal Shkupi pas fitores ndaj Crna Rekës (8-2), prezantoi përforcimin e parë, i cili do të jetë një ndihmesë e madhe për skuadrën shkupjane në sfidën e ardhshme në Ligën e Kampionëve. Pjesë e Futsal Shkupit do të jetë Halim Selmanaj, i cili vjen nga rradhët e FC Liburnit nga Gjakova me të cilën skuadër ka fituar disa tituj kampion. I njëjti në vitin 2017-të, ishte shpallur golashënuesi i dytë më i mirë në garat europiane nën ëmbrellën e UEFA-s, menjëherë pas Kristiano Ronaldos, raporton “Infosport.mk”.
Kujtojmë Futsal Shkupi në këtë fazë të këtij edicioni do të përballet me skuadrën e MFC Kherson nga Ukraina. Ndeshja në fjalë do të zhvillohet me 16 janar në qytetin ukrainas të Zaporozhje, ndërsa ekspedita “bardhekaltër” drejt Ukrainës do të niset më 12 janar.