Gjakova ndalet në çerekfinale, kërkon medaljen e bronztë

Nora Gjakova u ndal në çerekfinale të Kampionatit Botëror të xhudos. Xhudistja nga Kosova u mposht në këtë fazë nga atletja turke Hasret Bozkurt, e cila fitoi me Ippon, në garën që po mbahet në Doha të Katarit.

Kampionia olimpike megjithatë do ta ketë një mundësi për medalje të bronztë, të cilën do ta kërkojë përmes repesazhit. Paraprakisht, Nora e kaloi rrethin e parë pa luftë, ndërsa në atë të dytë e mundi italianen Tauani David Capanni Dias. Në rrethin e tretë, xhudistja pejane ishte më e mirë se gjermania Seija Ballhaus, të cilën e mundi me vështirësi pas “golden score”, për ta prekur çerekfinalen, ku e ndal megjithatë nga xhudistja turke, e cila u tregua e suksesshme deri në këtë fazë.

Sot garuan edhe Akil Gjakova, vëllai i Norës, dhe Flaka Loxha, të cilët megjithatë nuk ia dolën të shkonin larg. Dje pa medalje mbetën edhe kampionia tjetër olimpike, Distria Krasniqi dhe Erza Muminoviq.