Gjykimi për përdhunim në Francë, dënohet me 20 vjet burgim ish-bashkëshorti i Gisele Pelicot

Një gjykatë franceze i shpalli fajtorë të 51 të pandehurit të enjten në një rast droge dhe përdhunimi që tmerroi botën dhe e shndërroi viktimën, Gisele Pelicot, në një simbol nxitës të guximit dhe qëndrueshmërisë.

Ish-bashkëshorti prej 50 vitesh i saj, Dominique Pelicot, ishte deklaruar fajtor për drogimin e saj të vazhdueshëm për gati një dekadë për ta përdhunuar dhe për t’u ofruar trupin e saj të pavetëdijshëm për seks dhjetëra të panjohurve që kishte takuar në internet, ndërsa ai i filmonte abuzimet, raporton Reuters.

Rasti e ka tronditur thellë Francën gjatë muajve të fundit.