Greqia me certifikata elektronike për vaksinim

Kryeministri grek Kyriakos Mitsotakis ka njoftuar se tashmë ka nisur dhënia e certifikatave digjitale të vaksinimit në vend. Gjatë takimit mbi zbatimin e planit kombëtar për vaksinim ai shtoi se kjo nuk do të kufizojë qytetarët, por do të lehtësojë lëvizjen gjatë udhëtimeve.

“Nuk ka të bëjë me ndonjë kufizim, por përkundrazi do ta bëjë më të lehtë për ne që të heqim qafe kufizimet që Kovid-19 i ka bërë të detyrueshme për qytetarët evropianë. Kjo ka të bëj veçanërisht me turizmin tonë dhe perspektivat e ekonomisë sonë, veçanërisht në pritje të sezonit të verës”, tha Mitsotakis.