Ilir Daja konfirmon ardhjen e ish brazilianit të Shkëndijës
Në prag të ndeshjes kundër Apolonisë, sfida e parë e vitit 2021 për Partizanin, trajneri i “Demave të Kuq” Ilir Daja konfirmoi para mediave se Partizani është përforcuar me dy lojtarët e rinj, Stenio Zhunior dhe Valentino Murataj.
Edhe pse të kuqtë nuk kanë konfirmuar ende asgjë në faqen zyrtare, konfirmimi i lëvizjeve të fundit në merkaton e të kuqve, që u zhbllokua para pak ditësh, u dhanë nga vetë tekniku Daja.
“Po, mund të konfirmoj që Zhunior dhe Murataj janë afrimet tona të para” – u shpreh Daja në konferencën e zakonshme për shtyp.
Partizani do ta zhvillojë nesër sfidën kundër Apolonisë në “Elbasan Arena”.