Imeri: Femra duhet të ketë guxim dhe të luftoj për pozitën e saj

Femrës i nevojitet guxim dhe inkurajim për të luftuar për pozitën e saj në shoqëri. Kështu u shpreh në “Programi 200”, sekretarja për barazi Gjinore, Saranda Imeri derisa komentoi pozitën e femrës shqiptare në shoqëri.

Edhe kur janë të përfaqësuara femrat në parlament, keni deputete, megjithatë shumë pak dëgjohet zëri i tyre, qoftë në fjalime, qoftë në pres konferenca por dhe pjesëmarrja e tyre në emisione të ndryshme debative, përse ndodh kjo? Nuk janë aktive apo ka edhe faktor të tjerë, nuk ju jepet mundësia, ku është problemi?

“Mund të jetë pikërisht edhe kjo që po thoni ju. Ndoshta u mungon trimëria, u mungon guximi, ju mungon t’i inkurajoj dikush. Mirëpo mbi të gjitha femra duhet të ketë guximin e vet, të dal të luftoj për pozitën e saj dhe të tregoj se edhe ajo është e aftë për të udhëhequr me një institucion, një parti dhe çfarëdoqoftë tjerë, kthehemi përsëri te ajo se duhet guxim”, tha Saranda Imeri, sekretare për barazi gjinore. /Alsat.mk