Interi kërkon Milikun, Napoli kërkon të përfshin edhe një futbollist

Interi dhe Napoli vijojnë punën për një tjetër operacion merkatoje, teksa këtë herë pritet të përfshihen dy futbollistë. Kështu zikaltrit kanë nisur përpjekjet për të marrë në Milano sulmuesin polak Arkadiuz Milik, i cili ka refuzuar rinovimin dhe është lënë jashtë skuadre nga Napoli.

Kontrata e Milik skadon në fund të sezonit, por vetë sulmuesi dhe De Laurentiis kanë interes të përbashkët të zgjidhin gjithçka në janar, ndaj presidenti i Napolit ka vendosur një çmim prej 18 milionë eurosh për kartonin e polakut.

Inter është momentalisht një nga skuadrat e pakta që ka shfaqur interes për kartonin e Milik, por zikaltrit nuk kanë ndërmend të paguajnë 18 milionë euro, ndaj kanë ofruar në këmbim njërin mes dy mesfushorëve Naingolan e Vecino.