Johnson firmos marrëveshje sigurie me Suedinë dhe Finlandën: Keni mbështetjen tonë në rast sulmi

Gjatë një vizitë në Suedi, kryeministri Boris Johnson nënshkroi një marrëveshie sigurie me liderët e Suedisë dhe Finlandës mes kërcënimeve në rritje në rajon.

Johnson nënshkroi marrëveshjen me kryeministren Magdalena Andersson në Suedi dhe këtë pasdite ai do të udhëtojë në Finlandë për të nënshkruar të njejtën marrëveshje me Presidentin Sauli Niinisto.

Garancitë e sigurisë përfshijnë bashkëpunimin në fushat e mbrojtjes dhe sigurisë midis Mbretërisë së Bashkuar dhe çdo vendi, duke intensifikuar shkëmbimin e inteligjencës, përshpejtimin e trajnimit të përbashkët ushtarak, stërvitjet, dislokimet, dhe forcimin e sigurisë në të tre vendet dhe Europën veriore.

Ata gjithashtu do të lejojnë Mbretërinë e Bashkuar të bashkëpunojë me partnerët nordikë dhe forcat e tyre të armatosura, në të gjitha fushat, duke përfshirë hapësirën kibernetike.

“Ne jemi të palëkundur dhe të qartë në mbështetjen tonë për Suedinë dhe Finlandën dhe nënshkrimi i këtyre deklaratave të sigurisë është një simbol i sigurisë së përjetshme midis kombeve tona.

“Këto nuk janë një hendek afatshkurtër, por një angazhim afatgjatë për të forcuar lidhjet ushtarake dhe stabilitetin global dhe për të forcuar mbrojtjen e Europës për brezat që do të vijnë,” tha Johnson.

Suedia dhe Finlanda aktualisht po shqyrtojnë nëse do të aplikojnë për anëtarësim në NATO pas pushtimit rus të Ukrainës. Të dy vendet pritet të marrin vendimet këtë muaj.