Juventusi, siguron përforcimin e parë në 2021
Mediat në Itali raportojnë se Juventusi ka siguruar përforcimin e parë në merkaton e janarit. Sipas të përditshmes “Tuttosport”, e cila njihet për afërsinë me Juventusin, raporton se “Zonja e Vjetër” ka siguruar mesfushorin e Xhenoas, Nikollo Rovella.
“Tuttosport”, shkruan se Juventusi dhe Xhenoa kanë arritur marrëveshje për transferimin e Rovellas për shifrën e 5 miliona eurove. Rovella do të firmos kontratë katër vjeçare me “Biankonerët”, ndërsa zyrtarizimi i 19 vjeçarit pritet të bëhet gjatë ditës së hënë.
