Karlos Sainz: Ferrari është si Real Madridi

Sezonin tjetër te Ferrari do të vijë spanjolli Karlos Sainz, që do të zërë vendin e Sebastian Fetel. Sainz do të largohet nga MekLareni, ku po bën një paraqitje të mirë për të nisur një aventurë të vështirë te “kokëkuqja”, që nuk po kalon një moment pozitiv.

“Shpresoj që Ferrari të bëjë një punë të mirë dhe vitin tjetër të kemi një makinë kompetitive. Nëse jo, Ferrari mbetet gjithnjë një Ferrari. Është njësoj si Real Madrid, që edhe nëse nuk është në një sezon pozitiv sërish e ndjekin të gjithë, pasi mbetet Real Madrid. Shkoj te Ferrari me qëllimin për të fituar, pasi garoj për një skuadër legjendare. Të pilotosh këtë makinë është ëndrra e çdo piloti, shumë prej të cilëve nuk e kanë realizuar atë. Ndaj nuk jam penduar për këtë zgjedhje dhe nuk dyshoj për zgjedhjen që kam bërë,” ka thënë mes tjerash Sainz  në një intervistë për “Il Mundo Deportivo”.

LEXO EDHE:

Back to top button